Privacy Policy
Last updated: 5 November 2026
This policy dey explain wetin the Aestimeter apps (Aestimeter and Aestimeter Lite) and aestimeter.com dey collect, why, and wetin you fit do about am. The two apps dey use one account.
1. Wetin we dey collect
Account details: your name, email, phone number, business name and the country and currency wey you pick. If you sign in with Google or Apple, we go get your name and email from dem.
Location: the state, city or town wey you pick, so we fit show prices and builders near you. When you measure land or start quote with GPS, the app go read your phone location for that job. E only dey read am when you dey use those screens.
Wetin you make for the apps: estimates wey you save, floor plans, quotes and their records, prices wey you report, job posts, offers, reviews, spending records (payments, budget, credit and money wey dem send) and the photos and receipts wey you add.
Client details for Lite: if you on job backup, your clients name and phone number go dey with the backup so you fit get your jobs back for new phone. Quote records wey we dey use improve price guides no dey carry client name or number.
Coins and payments: the coins wey you buy and spend. Paystack dey handle card and transfer payments; we no dey see or keep your card number.
Phone details: device id (so you keep your work without account), app version, and notification token if you allow notifications.
Feedback: wetin you write give us, and any screenshot wey you attach.
You fit estimate, measure and calculate without account. Some things need account, like backup, spending records, job posts and builder profiles.
2. How we dey use am
To run the apps: sign you in, save and bring back your work, show prices for your area, send notifications wey you ask for, and make clients and builders fit reach each other.
To keep price guides fair: we dey join prices wey plenty artisans report into area average. The average no dey show who report the price.
To make the apps better and fix problems wey you report.
We no dey sell your personal information, and we no dey show ads.
3. Wetin other people fit see
If you make builder, artisan, contractor or supplier profile, the name, trade, town, phone number, photos and reviews for am go show to other users, because na wetin profile dey for.
If you post job, the title, place, photos and phone number wey you give go show to builders wey fit see am.
People wey you invite to spending project go see that project records. Anybody wey get the link fit open quote or estimate wey you share by link.
4. Services wey we dey use
Google Play and Apple App Store to deliver the apps; Google and Apple sign-in; Firebase to send notifications; Paystack for payments; Brevo to send sign-in emails; and our hosting providers to keep data. Dem dey handle data for us under their own privacy terms.
5. How we dey keep am safe
Data dey travel through encrypted connection (HTTPS). Only the people wey dey run Aestimeter fit enter our servers.
Bank details wey you add to quotes for Lite go stay for your phone; we no dey collect am.
6. To delete your data
You fit delete your account for any of the two apps or for aestimeter.com/delete-account. Your account details, backups, sign-in records and notification tokens go delete sharp sharp.
Prices wey you report and feedback wey you send go stay without your name or number. If other people records point to your account (like review or payment), your account go stay for dem, empty of your details, and e no fit sign in again.
7. Children
The apps na for adults. We no dey knowingly collect information from children wey never reach 13.
8. Changes
When this policy change, we go update the date for top of this page, and tell you for the app if the change big.
9. Contact
Questions about your data: privacy@aestimeter.com